Kryeministri i Shqipërisë, Edi Rama, shkruan se shteti i tij i ka shtrirë dorën e miqësisë Serbisë, duke dalur edhe kundër sanksioneve ndaj saj, megjithatë, ai shton se për të ardhmen e qëndrueshme të marrëdhënieve Shqipëri-Serbi, duhet një përfundim i suksesshëm i procesit të normalizimit mes Kosovës dhe Serbisë.

Këtë e ka bërë të ditur Rama përmes një ostimi në faqen e tij në Facebook, raporton Arbresh.info.

“Shqipëria i ka shtrirë Serbisë dorën e miqësisë. Në mënyrë ironike, ka ndodhur në ndonjë rast të jemi i vetmi vend në rajon që ka folur hapur kundër sanksioneve ndaj Serbisë dhe e kemi shpjeguar qartë pse jemi të bindur në këtë qëndrim. Megjithatë, dhe kjo duhet theksuar, një përfundim i suksesshëm i procesit të normalizimit mes Kosovës dhe Serbisë është i domosdoshëm edhe për të ardhmen e qëndrueshme të marrëdhënieve Shqipëri-Serbi,” shprehet Rama në Facebook.

Ai shton se nuk po kupton taktikat e Qeverisë së Kosovës, por as strategjinë e dialogut të Serbisë.

“Për fat të keq, teksa përpiqem pa sukses të kuptoj taktikat e qeverisë së Kosovës, mbetem po aq i pasuksesshëm në përpjekjen për të kuptuar strategjinë e dialogut të Serbisë. Dyshoj se strategjia e Beogradit është të vonojë proçesin dhe të përfitojë sa më shumë nga taktikat vetëdëmtuese të Prishtinës, të cilat e kanë ndihmuar vijimësisht viktimizimin e Serbisë ne arenën e ndërkombëtare”, shkruan i par Qeverisë shqiptare./Arbresh.info/